Rodrick Titus
Mon, 02 Nov 2026
SOEKTOG NA VERMISTE MAN NABY DOUGLAS DUUR VOORT
Die familie van die 24-jarige Ricardo Steenkamp doen ’n beroep vir meer duikers om te help met die soektog na hom.
Steenkamp het na bewering op 25 Oktober verdwyn nadat hy in ’n rivier naby Douglas geswem het.
Familie en vriende is bekommerd dat die soektog deur ’n tekort aan polisieduikers belemmer word.
Daar word beweer dat slegs een duiker tot dusver aan die soektog deelneem.
Steenkamp het vermoedelik naby die samevloeiing van die Oranjerivier en Vaalrivier verdwyn.
Die Noord-Kaapse polisie sê ’n span van die SAPD se Soek-en-redding- en Duikeenheid gaan voort met die soektog.
