Rodrick Titus
Wed, 21 Oct 2026
TWEE IN KANONEILAND GEARRESTEER VIR BEWEERDE DWELMHANDEL
Die SAPS in Kanoneiland het twee verdagtes, onderskeidelik 52 en 58 jaar oud, in hegtenis geneem vir beweerde dwelmhandel.
Die arrestasies volg nadat die polisie inligting ontvang het oor die beweerde verkoop van dwelms by ’n huis in Kanoneiland.
Lede het die perseel besoek waar die twee verdagtes glo probeer het om die huis binne te vlug.
’n Soektog het verskeie sakkies met vermoedelik Tik gevind, met ’n geraamde straatwaarde van sowat R5 939.
’n Onbekende bedrag kontant is ook gekonfiskeer.
Die twee verdagtes is in hegtenis geneem op aanklagte van dwelmhandel.
