TRANSNET-TREIN STEL WÊRELDREKORD OP NOORD-KAAPSE SPOORLYN

TRANSNET-TREIN STEL WÊRELDREKORD OP NOORD-KAAPSE SPOORLYN

Transnet Freight Rail sê hy het ’n nuwe wêreldrekord opgestel met ’n trein wat uit 696 trokke bestaan en sowat 7,6 kilometer lank was.

Die trein het op die Sishen-Saldanha-ysterertskorridor tussen Saldanha en die Noord-Kaap bedryf.

Volgens Transnet was die trein ongeveer 250 meter langer as die vorige Guinness-wêreldrekordtrein wat in 2001 in Australië bedryf is.

Die rekordrit was ook ’n ingenieurstoets om treinhantering, remvermoë en bedryfsdoeltreffendheid te verbeter.

Transnet werk tans aan ’n ongeveer R8,9 miljard-program om die belangrike ystererts-uitvoerroete te verbeter.