Spesiale Ekonomiese Sone bespreking

Spesiale Ekonomiese Sone bespreking

Die Noord-Kaapse premier, dr. Zamani Saul, en LUR Blennies-Magage het gister met Sasol-bestuurders vergader tydens die Afrika-groenwaterstofberaad. Die gesprekke het gefokus op vordering met die Boegoebaai-hawe en Spesiale Ekonomiese Sone, asook die uitbreiding van die provinsie se elektrisiteitsnetwerk. Volgens die provinsiale regering is dié projekte belangrik om die Noord-Kaap se potensiaal as ’n streek- en wêreldwye produsent van groenwaterstof te ontsluit. Die regering sê hy wil ook die vennootskap met Sasol verdiep en verdere geleenthede vir energieontwikkeling en industrialisering in die provinsie ondersoek.