MEER AS 5 DUISEND KANDIDATE GEDISKWALIFISEER
Die Onafhanklike Verkiesingskommissie (OVK) se Hoofverkiesingsbeampte, Sy Mamabolo, sê meer as 136 000 kandidate gaan meeding om sowat 10 500 setels in die plaaslike regeringsverkiesing op 4 November.
Duisende kandidate het hul nominasies voor die sperdatum op 28 Augustus ingedien. Mamabolo sê egter dat net meer as 5 000 kandidate gediskwalifiseer is nadat die statutêre hersieningsproses afgehandel is.
Hy sê die finale lys van gekwalifiseerde kandidate sal later vandag gepubliseer word.
Mamabolo het tydens ’n mediakonferensie in Centurion gesê 5 096 kandidate is gediskwalifiseer nadat bevestig is dat alle deelnemers die vereiste deposito’s betaal het en dat kandidate behoorlik genomineer is.
Volgens hom voldoen ’n ongekende 136 790 kandidate aan al die wetlike vereistes om regoor die land aan die verkiesing deel te neem.
