Valke kom byeen met die Noord-Kaapse Onderwysdepartement
Die Valke in die Noord-Kaap, saam met die Noord-Kaapse Onderwysdepartement se Risiko- en Etiekbestuurseenheid en ander staatsinstellings, bied tans ’n tweedaagse werkswinkel oor bedrogvoorkoming in Kuruman aan. Die werkswinkel duur tot môre en word deur skoolhoofde, departementshoofde, kringsbestuurders, beheerliggaamslede en distrikbestuurspanne bygewoon. Die fokus is op die voorkoming, opsporing en aanmelding van bedrog, asook etiese gedrag en goeie bestuur in die onderwyssektor. Onderwerpe sluit onder meer bedrog- en korrupsierisiko’s, finansiële en betalingsrisiko’s, swakhede in bestuur en beheer, asook bedrog met verkryging en diensverskaffers in. Die Valke en ander rolspelers verskaf praktiese leiding om onderwysamptenare te help om verantwoordelike en wetlike besluite te neem
