Rodrick Titus
Wed, 05 Aug 2026
Familie eis vinnige arrestasies ná vrou se liggaam in Vaalrivier gevind is
Familielede van 'n 22-jarige vrou wie se liggaam in die Vaalrivier in die Noord-Kaap gevind is, doen 'n dringende beroep op die polisie om die verdagtes so gou moontlik aan te keer.
Die jong vrou is reeds in Junie as vermis aangemeld. Haar liggaam is egter eers die afgelope naweek in die rivier ontdek.
Volgens beskikbare inligting is sy laas saam met haar vriende gesien voordat sy spoorloos verdwyn het.
Die polisie ondersoek die omstandighede rondom haar dood, terwyl haar familie geregtigheid eis en hoop dat diegene wat verantwoordelik is, spoedig in hegtenis geneem sal word.
