Rodrick Titus
Thu, 12 Mar 2026
Victoria-Wes man gevonnis vir roof op 12-jarige
Die Victoria-Wes Streekhof het op 10 Maart 2026 die 25-jarige Siyabonga Lekena tot 15 jaar direkte gevangenisstraf gevonnis vir roof met verswarende omstandighede. Die voorval het op 13 Augustus 2025 plaasgevind toe Lekena ’n 12-jarige slagoffer van R200 beroof het terwyl die kind op pad was na ’n supermark.
Die verdagte het ’n mes gebruik en die kind gedwing om die geld te gee. ’n Kenmerkende tatoeëermerk aan die verdagtes nek het gehelp om hom op te spoor. Lekena is ook as ongeskik verklaar om ’n vuurwapen te besit.
