Drie winkels in Kai ! Garib gesluit
Die Noord-Kaapse Verbruikersbeskermingsowerheid het saam met verskeie rolspelers, waaronder die Suid-Afrikaanse Polisiediens, die Departement van Binnelandse Sake se Immigrasiebeamptes, Kai !Garib Plaaslike Munisipaliteit se LED-amptenare, raadslede, ZF Mgcawu Distrik se Omgewingsgesondheidspraktisyns en die Noord-Kaapse Dobbel- en Drankraad, ’n gesamentlike nakomingsoperasie in Keimoes uitgevoer.
Tydens die operasie is drie tuiswinkels gesluit omdat hulle sonder geldige handelslisensies bedryf is en nie aan gesondheidstandaarde voldoen het nie. Die operasie vorm deel van pogings om verbruikers te beskerm en te verseker dat besighede aan wetlike vereistes voldoen.
Besigheidseienaars word aangemoedig om aan handelsregulasies te voldoen en die nodige lisensies te bekom om onderbrekings in hul bedrywighede te vermy.
Die publiek word ook uitgenooi na die viering van Wêreldverbruikersregtedag op Vrydag, 13 Maart 2026 by die Rosedale gemeenskapsaal
